INDIRIMBO ZO HIRYA NO HINO

INDIRIMBO ZO HIRYA NO HINO

Agahogo k'Abarundi
Indirimbo zo mu Rwanda (Inyarwanda)
Indirimbo zo muri Tanzania (Bongo Flava)
Izindi ndirimbo
*Lyrics = Amajambo y'indirimbo

Ikirŭndi kū ngurukanabumenyi
Yaririmbwe na Burikukiye Prosper azwi cane kw'izina Bahaga

 


Abaryango bagakorana
Ngo bashaka gukosha
Umwana w'umukobwa
Bwarakeye kabiri
Arabamaramaza
Ntiyashaka kugenda
Kuri uyo mutama
Angana se amuvyara
Uyo murondo
Bamugira igicibwa

Nibaza ko ari mw'Ijuru
Yicaranye n'Abamalayika
Hambavu y'Abatagatifu
Arabona hano kw'isi
Abo bansi b'urukundo
Akwongorera Imana Data
Ati ntibazi ico bakora
Ntibazi ico bakora

Yanse guhemukira
Wa musore vyakundanye
Intambanyi yaronka
Agaheza akazitura
Umwamikazi w'urukundo
Ntibitevye na gatoya
Wa mukobwa utanka
Agatwara imbanyi
Uri wa musore
Aramwihakana

Nibaza ko ari mw'Ijuru
Yicaranye n'Abamalayika
Hambavu y'Abatagatifu
Arabona hano kw'isi
Abo bansi b'urukundo
Akwongorera Imana Data
Ati ntibazi ico bakora
Ntibazi ico bakora

Abantu igihugu
Basidukanye n'iyonka
Baja kuraba
Aho bamuta
Mu gisumanyenzi
Yarihweje abo bantu
Bamuciriye urubanza
Wa musore yamuhenda
Agwa mu gahundwe
Yapfuye atanishe

Nibaza ko ari mw'Ijuru
Yicaranye n'Abamalayika
Hambavu y'Abatagatifu
Arabona hano kw'isi
Abo bansi b'urukundo
Akwongorera Imana Data
Ati ntibazi ico bakora
Ntibazi ico bakora


Bahaga
Bahaga
KURONDERA
ABARI KU MURONGO

Muri aka kanya, hari abantu 297 ku murongo.

NI GIHE KI?
UTC (GMT)
Bujumbura
Brisbane
Bukêbuké bukomeza igihonyi

Abarundi barayamaze bati: "Bukêbuké bukomeza igihonyi" kandi ngo "Uwutárahera aba arahékenya".

Turacari mu bikorwa vyo gutunganya «IKIRUNDI KU NGURUKANABUMENYI» twongera dutororokanya ivyigwa, imigenzo, imigani, n'ibindi vyinshi bijanye n'ikirundi, Abarundi n'Uburundi.

Si igikorwa coroshe cane! Kubw'iyo mpamvu hariho vyinshi tutarashira ng'aha ku ngurukanabumenyi.

Muraheza mutwihanganire! Bukebuke bukomeza igihonyi, mu misi ya vuba bizoba vyabashikiriye.


Tuboneyeho kano kanya ngo tugusabe niba hari ibintu vyerekeye ikirundi, Uburundi canke Abarundi woba wipfuza ko twoshirako (indirimbo, n'ibindi), utwandikire (info@ikirundi.org) canke uduhamagare (+61469365309) tubiganire.
2020 Ikirundi ku ngurukanabumenyi

        Guterera umugambi w'ikirundi ku ngurukanabumenyi
Fyonda kuri ako kamenyetso   tukubwire uburyo ushobora guterera uyu mugambi w'ikirundi ku ngurukanabumenyi.
Rindira gato...

Uburundi buramutswa perezida mushasha kuva 18/06/2020

~ Evariste Ndayishimiye ~