Ikirŭndi kū ngurukanabumenyi
  Ŭbona utwo tumenyētso túmugōra yōducá mūnsí agasoma indóme yaményereye, mugábo tuzōtānguranwa ndamutănge ku cîyumvīro. 
Pādíri J.-B. NTAHOKAJÁ
Ntahokaja
Pādíri J.-B. NTAHOKAJÁ

INSÍGŪRO Y’ÛTWÂTUZO (J.-B. NTAHOKAJÁ)

Ikirŭndi ntíkirândikwa nk'ûkó kivugwá. Indóme twĭgiye kó gusoma ntízări zâgenewe kwāndika ururími rwâcu, hari hó agaháze. Mu gusoma ikirŭndi hári akāntu twīyóngerera kó uwŏkāndika vyōkwôroha gusūmba ntitúbe túkididīnganya nk'ütâzi gusoma cânké atūmvá icó avugá. Uwo twâtuzo ntimúbone gúrtyo sí na twînshi, ntitugōye imenyēra, ni dutānu tutarēga, rābire aha:

  1. Umutāma, umurōngo, ishūri; ako gakwēgo kērekana ijwí rirāndîra mugábo ritadūgá.

  2. Umusóre, ishámi, umutwé; ako gakágo kaja kw'ījwí ryīrása hējuru, ritarāndîra.

  3. Umwâna, urwâmo, igicâniro; ako gakōfēro kērekana ijwí ryīrása, ryīhînga rîmanuka.

  4. Umwămi, ităbi, ivyămwa; ako gatemére gateretse kw'ījwí ryīhînze rídūga

  5. Böse, twëse, twëmpi; utwo tuburûngu tubiri twērekana ijwí ridūgá rikamana mu kirëré. Tudushira nó kurí n ngo tuyităndukānye na ny: amenye umubĭndi, amenye icĭgwa; urusâto rukanyé, amâzi akanyé.

Amajwí arí ku rugero rusānzwé, atarāndîra, atadūgá, atamanúka ntâ kâtuzo akenéye: umugabo, ikirago, inzu, inzira. Utwâtuzo dukenewe cānecāne mu mivugíre y'ámavuga nó mw'īfátanya ry'ámajāmbo.

Ŭbona utwo tumenyētso tûmugōra yōducá mūnsí agasoma indóme yaményereye, mugábo tuzōtānguranwa ndamutănge ku cîyumvīro.

 

J.-B. NTAHOKAJÁ, Imigēnzo y'íkirŭndi, 1978, urup. 2

HTML
é é
è è
ê ê
ë ë
ñ ñ
-
-
Ā Ā
ā ā
Ă Ă
ă ă
Ē Ē
ē ē
Ĕ Ĕ
ĕ ĕ
ě ě
Ī Ī
ī ī
Ĭ Ĭ
ĭ ĭ
Ō Ō
ō ō
Ŏ Ŏ
ŏ ŏ
Ū Ū
ū ū
Ŭ Ŭ
ŭ ŭ

KURONDERA
ABARI KU MURONGO

Muri aka kanya, hari abantu 278 ku murongo.

NI GIHE KI?
UTC (GMT)
Bujumbura
Brisbane
Bukêbuké bukomeza igihonyi

Abarundi barayamaze bati: "Bukêbuké bukomeza igihonyi" kandi ngo "Uwutárahera aba arahékenya".

Turacari mu bikorwa vyo gutunganya «IKIRUNDI KU NGURUKANABUMENYI» twongera dutororokanya ivyigwa, imigenzo, imigani, n'ibindi vyinshi bijanye n'ikirundi, Abarundi n'Uburundi.

Si igikorwa coroshe cane! Kubw'iyo mpamvu hariho vyinshi tutarashira ng'aha ku ngurukanabumenyi.

Muraheza mutwihanganire! Bukebuke bukomeza igihonyi, mu misi ya vuba bizoba vyabashikiriye.


Tuboneyeho kano kanya ngo tugusabe niba hari ibintu vyerekeye ikirundi, Uburundi canke Abarundi woba wipfuza ko twoshirako (indirimbo, n'ibindi), utwandikire (info@ikirundi.org) canke uduhamagare (+61469365309) tubiganire.
2020 Ikirundi ku ngurukanabumenyi

        Guterera umugambi w'ikirundi ku ngurukanabumenyi
Fyonda kuri ako kamenyetso   tukubwire uburyo ushobora guterera uyu mugambi w'ikirundi ku ngurukanabumenyi.
Rindira gato...

Uburundi buramutswa perezida mushasha kuva 18/06/2020

~ Evariste Ndayishimiye ~