Ikirundi ku ngurukanabumenyi
KURONDERA
Ikirŭndi kū ngurukanabumenyi

Amoko y'insigarirazina n'insigarirazina-ngereka

Insigarirazina n'insigarirazina-ngereka ziri ubwoko icenda (9):

  1. muvugwa
  2. rugena
  3. nsanisha
  4. satunga
  5. gaharura
  6. gaharura gatondeshamurongo
  7. kabaza
  8. ntatanya
  9. rutanya

Uturorero:

  1. Bivuge mwebwe mwabibonye.
  2. Irya bwa irasara.
  3. Ubwatsi bwo mu nyovu.
  4. Umutima wawe ni mweranda.
  5. Umuntu umwe ni we Imana atanguye kurema?
  6. Umwaka wa gatandatu uragoye.
  7. Ufise inka zingahe?
  8. Inka n'intama vyose ni ibitungwa.
  9. Abantu bamwe barapfa (abandi bagakira).

Ido n'ido kuri buri nsigarirazina ni mu misi ya vuba cane!

  ITEGEREZE NEZA!

Insigarirazina-ngereka muvugwa irabaho?

Mu binjana vyose tumaze gusoma eka n'igitabu c'indimburo y'ikirundi twifashishije mu gutegura izi nyigisho z'indimburo y'ikirundi, bavuga ko amoko y'insigarirazina n'ay'insigarirazina-ngereka ari amwe, uretse ko insigarirazina-ngereka muvugwa itabaho.

Ng'aha ku Kirundi ku ngurukanabumenyi tubivugako iki?

Ng'aha ku kirundi ku ngurukanabumenyi, inyuma y'umwihwezo w'igihe kinini twakoze, dusanga insigarirazina-ngereka muvugwa ibaho.

Uturorero:

  • Jewe Bakame ndi agahambaye!
    ⇒ Jewe ni insigarirazina muvugwa, ikaba igeretse kw'izina Bakame.
  • Mbega wewe Kagarara ko wama utera amahane!
    ⇒ wewe ni insigarirazina muvugwa, ikaba igeretse kw'izina Kagarara.
  • Uyo murwâyi wé ntíyakurikije impanūro z'ábavūzi.
    ⇒ wé ni insigarirazina muvugwa, ikaba igeretse kw'izina umurwâyi.

Twihweje ayo majambo twaciyeko akarongo musi dusanga yokwitwa insigarirazina-ngereka muvugwa kuko ageretswe ku mazina yasubiriye.

Wewe ubivugako iki?

Niba wipfuza guterera ivyiyumviro uyu mugambi w'ikirundi ku ngurukanabumenyi canke ukaba ufise ikibazo canke ibibazo kuri uyu mugambi, canke kandi hakaba hari nk'amakosa wabonye turungikire ubutumwa bwanditse canke uduhamagare.

Murakoze!

  +61469365309

  info@ikirundi.org

AMAJAMBO AHINDUKA

Izina

Irivuga

Ingereka

Insigarirazina n'insigarirazina-ngereka

indimburo

GUKARISHA UBWENGE
Karisha ubwenge KARISHA UBWENGE

KARISHA UBWENGE ni igice twahariye ibibazo bitandukanye vyerekeye ikirundi canke Uburundi.
ABARI KU MURONGO

Muri aka kanya, hari abantu 14 ku murongo.

NI GIHE KI?
UTC (GMT)
Bujumbura
Brisbane
IMYIBUTSA Y'IKIRUNDI
Bukêbuké bukomeza igihonyi

Abarundi barayamaze bati: "Bukêbuké bukomeza igihonyi" kandi ngo "Uwutárahera aba arahékenya".

Turacari mu bikorwa vyo gutunganya «IKIRUNDI KU NGURUKANABUMENYI» twongera dutororokanya ivyigwa, imigenzo, imigani, n'ibindi vyinshi bijanye n'ikirundi, Abarundi n'Uburundi.

Si igikorwa coroshe cane! Kubw'iyo mpamvu hariho vyinshi tutarashira ng'aha ku ngurukanabumenyi.

Muraheza mutwihanganire! Bukebuke bukomeza igihonyi, mu misi ya vuba bizoba vyabashikiriye.

Tuboneyeho kano kanya ngo tugusabe niba hari amakos(h)a wabonye canke hari ibintu vyerekeye ikirundi, Uburundi canke Abarundi woba wipfuza ko twoshirako (indirimbo, n'ibindi), utwandikire ikete muravyo kuri: info@ikirundi.org canke uduhamagare canke uturungikire ubutumwa ukoresheje WhatsApp: +61469365309.
2021 Ikirundi ku ngurukanabumenyi
www.ikirundi.org
info@ikirundi.org
+61469365309
Indirimbo zo hirya no hino

Mubitegurirwa kandi mubishikirizwa na
Emmanuel NKENGURUTSE Mr N
«Ikirŭndi kū ngurukanabumenyi» ni umugămbi ufisé intūmbēro nyamúkurú yó gutêza imbere ururími rw'íkirŭndi hamwé n'ímicó kāmá n'ímigēnzo myīzá vy'Ábarŭndi túbicīshije kū ngurukanabumenyi, arí yo bītá «Internet» mu rurími rw'ábanyámahănga.
        Guterera umugambi w'ikirundi ku ngurukanabumenyi
 
Fyonda kuri ako kamenyetso   tukubwire uburyo ushobora guterera uyu mugambi w'ikirundi ku ngurukanabumenyi.

BURUNDI URI AGAHORE [AMAFOTO]
Abărōngōye Uburŭndi
AGAHOGO K'ABARUNDI
Ikirundi ku ngurukanabumenyi
Rindira gato...